ჟურნალის შესახებ
ზოგადი ინფორმაცია
საერთაშორისო რეფერირებადი და რეცენზირებადი სამეცნიერო ჟურნალი გლობალიზაცია და ბიზნესი (G&B) 2016 წელს დაარსდა. იგი ევროპის უნივერსიტეტის ინტერდისციპლინურ გამოცემას წარმოადგენს.
ჟურნალის მისიაა განავითაროს ეკონომიკის, ბიზნესის, განათლების, ტურიზმის, ტექნოლოგიების, მმართველობისა და პოლიტიკური მეცნიერებების აქტუალური საკითხები, შემოიტანოს კვლევაზე და ღრმა ანალიზზე დაფუძნებული მსჯელობა და გააღრმაოს არსებული დისკუსია, ითანამშრომლოს ადგილობრივ და უცხოელ მეცნიერებთან, ხელი შეუწყოს ინტერნაციონალიზაციის პროცესს.
ჟურნალის ძირითადი მიზნებია:
სამეცნიერო ინოვაციების ხელშეწყობა: ახალი იდეების, მეთოდოლოგიებისა და პროგრესის განვითარება. ჩვენ მუდმივად ვადევნებთ თვალყურს თანამედროვე ტექნოლოგიების ყველა სიახლეს და ვახდენთ მათ ინტეგრაციას ჟურნალის საქმიანობაში.
უახლესი კვლევების ხელმისაწვდომობა: მკითხველს ვთავაზობთ უფასო, მყისიერ და უწყვეტ წვდომას სტატიებზე, რათა ყველასთვის ხელმისაწვდომი გახდეს თანამედროვე სამეცნიერო შრომები.
ინტერდისციპლინური კვლევის მხარდაჭერა: ეკონომიკის, ბიზნესის, განათლების, ტურიზმის, ტექნოლოგიების, მმართველობისა და პოლიტიკური მეცნიერებების მრავალი დარგის დაკავშირება, რათა გადაწყდეს გლობალური პრობლემების მიმართ კომპლექსური საკითხები.
კვლევების გავრცელების უზრუნველყოფა: ვიღებთ პასუხისმგებლობას ფართო ასპარეზზე გავიტანოთ მეცნიერთა კვლევები, რათა მაქსიმალურად ხილვადი და ხელმისაწვდომი გავხადოთ ისინი მსოფლიო სამეცნიერო წრეებისათვის.
ჟურნალი აქვეყნებს სტატიებს შემდეგი ძირითადი მიმართულებით:
- გლობალიზაცია და სახელმწიფოთა ეკონომიკური პოლიტიკა
- განათლება, ინოვაცია და ცოდნის ეკონომიკა
- ციფრული განვითარება და ტექნოლოგიური ტრანსფორმაცია
- ბიზნესის მართვა და მარკეტინგი
- გლობალური შრომის ბაზრები და ადამიანური რესურსების მართვა
- ტურიზმი გლობალიზაციის პირობებში
- პოლიტიკური მეცნიერება და საერთაშორისო ურთიერთობები
- მიგრაცია, დემოგრაფიული ცვლილებები, ოჯახური სტრუქტურები და სოციალური ტრანსფორმაციები
- გენდერული თანასწორობა, სოციალური სამართლიანობა და კულტურათაშორისი დინამიკა გლობალიზაციის პირობებში
- გარემოსდაცვითი და მდგრადი განვითარება
საავტორო უფლებები და ლიცენზია
საავტორო უფლებები დაცულია Creative Commons ბაზაში CC BY-SA 4.0 ლიცენზიით. მკითხველს შეუძლია მოქმედი კანონმდებლობის ფარგლებში, თავისუფლად გაეცნოს, ჩამოტვირთოს, ასლი გადაიღოს, გაავრცელოს, ამობეჭდოს, იკვლიოს და გამოიყენოს სტატიის სრული ტექსტი რეგისტრაციისა და გამომცემლის ან/და ავტორის წინასწარი ნებართვის მოთხოვნის გარეშე.
ავტორი ინარჩუნებს საავტორო უფლებას ნაშრომზე და ჟურნალს ანიჭებს პირველადი გამოქვეყნების შესაძლებლობას. სტატიას იმავდროულად ენიჭება Creative Commons-ისლიცენზია Attribution-ShareAlike 4.0 International. აღნიშნული ლიცენზია იძლევა მისი შემდგომი გამოყენების უფლებას, ავტორისა და თავდაპირველი გამომცემლის მითითებით.
ავტორებს უფლება აქვთ გადაამუშავონ საკუთარი ნაშრომები, თუმცა მათ ევალებათ, აღნიშნული ჟურნალი მიუთითონ, როგორც პირველადი გამოცემის წყარო.
ღია წვდომა
ჟურნალი გლობალიზაცია და ბიზნესი ღია წვდომისაა, რაც ნიშნავს, რომ ყველა მკითხველს, მიუხედავად მათი ინსტიტუციური კუთვნილებისა, შეუძლია უფასოდ გაეცნონ მათ მსოფლიოს ნებისმიერ წერტილიდან. ეს ნიშნავს, რომ კვლევითი მიმართულების სტატიბზე წვდომა აქვთ არა მხოლოდ ფინანსურად უზრუნველყოფილ ინსტიტუტების მკვლევარებს, არამედ პოლიტიკის სფეროში მომუშავე თუ არასამთავრობო ორგანიზაციების წარმომადგენებს, ასევე ჟურნალისტებს, პრაქტიკოსებს, სტუდენტებს და სხვა დაინტერესებულ საზოგადოებას. ეს მნიშვნელოვნად ზრდის ახალი ნაშრომების გავრცელებას და მათ გაცილებით ფართო აუდიტორიამდე მიყვანის შესაძლებლობას ქმნის.
ენა
სტატიები ქვეყნდება ინგლისურ, ან ქართულ-ინგლისურ ენებზე. თითოეული სტატია გადის ტექსტის პროფესიონალური შესწორების პროცესს.
გამოქვეყნების ღირებულება
გლობალიზაცია და ბიზნესში სტატიის გამოქვეყნება, ისევე როგორც ტექსტის ტექნიკური და ლინგვისტური შესწორება არის უფასო.
ვადები
ჟურნალი გამოიცემა წელიწადში ორჯერ:
- ივნისის ბოლოს
- დეკემბრის ბოლოს
სარეკლამო პოლიტიკა
G&B არ იღებს რეკლამებს.
